Η μητρική γλώσσα των προγόνων μας από το Χαραμί Βαρτάν

πεσκίρ' ,το  = πετσέτα

τουρκική λέξη peskir  = πετσέτα
φρ.Nέπε Χρήστο,στάεις και πας, 'κ' ελέπ'ς το πεσκίρ' ντο κρεμάεται οπίσ' 'ς σην πόρταν να σπογγίεις τα χέρα σ', μη θέλ'τς, πάντα να υλάζω απ' οπίσ'-ι-σ'!

χουζούρ* το = ηρεμία, γαλήνη

τουρκική λέξη huzur  = ηρεμία, γαλήνη

φρ. 'Αψιμον να επαίρ'νεν η μαχαλά σ' Τόγκα κ' εσύ απέ' 'ς σ' οσπίτ' ν' εφουρκίουσ'νε ας σα δουλείας , η πατσή μ' τικλαεμέντζα εμπροστά 'ς σην αϊνάν, το χουζούρ' ν ατ'ς ξάι 'κ' εχάλανεν, την κιαντή ν ατ'ς ιλάευεν κ' αχσάευεν!

πεσλίν = καλοταϊσμένο

τουρκική λέξη  besili-besli = καλοταϊσμένο
φρ.Άμον πεσλίν μουσκέρ έντον, τρώει πίν' και κάθεται, δουλείαν και πορπάτεμαν ντο έν' 'κ' εξέρ,' μόνον τη γούλας ατ' την τρύπαν εξέρ'.

φοτουλούχ,  το = εγωπάθεια, εγωισμός

τουρκική λέξη  fodylluk  = αλαζονεία, έπαρση

φρ. Ντο φοτουλούχ' έν, γαρήδες, ατό δεικνύζ' η ταενύφ'σσα τη Τσοπάναντων και τικλαεύ' το μυτίν; επήρεν άντραν ασό Τσιτσιλή , γιόξα τον γίον τη Χάμπονος τη Τόγκα;.

χάσεμαν, το = βράσιμο, ζεμάτισμα

τουρκική λέξη haslama  = ζεμάτισμα

φρ. Αϊκον χάσεμαν γλώσσας πα ίνεται; εγληγόρεσα κ' εσέγκα το χουλάρ' με το χασευτόν το φαϊν 'ς σο στόμα μ' 'κ ' εφουσκαλιδίασεν η γλώσσα μ' κ' ορθά να καλατζεύω 'κ' επορώ!.